AzFakt

Bakıda 120 milyonluq qalmaqallı hərracın arxasında kimlər dayanır? - ŞOK İSİMLƏR

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

“MTK kralı“ çətin durumda - Asiman Hüseynov qardaşını xilas edə biləcəkmi?

Azərbaycanın ən varlı şirkətləri: milyardlara sahib olanlar kimdir?

Rəsmi Bakı Blinkenin görüş təklifini qəbul etməyib - Səbəb məlum oldu

“Ermənistan Qərbi Azərbaycan İcması ilə danışıqlara başlamalıdır“ - Prezident

ABŞ OCCRP-ni maliyyələşdirib və layihə rəhbərliyini təyin edib - Araşdırma

86 milyon manatı ölkəyə qaytarmayanlar ifşa edildi - Həbs olundular

Şirvanda 13 hektar ərazi başçı tərəfindən zəbt edilib - Qazinin əli ilə

ARB-nin 5 mərtəbəli studiya binası hansı məmura məxsusdur - FOTOFAKT

Bakı və Ankaradan İrəvana ultimatum - Zəngəzurla bağlı...

Azərbaycan Haaqa Məhkəməsinə müraciət etdi - Ermənistanla bağlı

143 milyon taladılar, 38 milyon ödədilər - Mənimsədikləri pulları qaytarmırlar

“Əgər biz cəngəlliyiksə, onda işlərimizə qarışmayın “ - Prezidentdən ağır ittihamlar

İki tibb bacısı “TikTok”da Mehmet Tuncayın toruna necə düşüb? - TƏFƏRRÜAT


Tarix 21.01.25, 13:19	Font ölçüsü : - / +

Tovuzda iki tibb bacısı “TikTok”da tanış olduqları şəxsin vədlərinə inanaraq başqa şəxsləri aldadıblar. Onlar işə adam düzəltmək adı ilə bir neçə nəfərdən pul alıblar. Onlar aldatdıqları şəxsləri Müdafiə Nazirliyinin müxtəlif hərbi hissələrində işə düzəldəcəklərini deyiblər.

Musavat.com xəbər verir ki, təqsirləndirilən şəxslər ümumilikdə 18 nəfərdən işə düzəltmək adı ilə pul alıb.

Həmin şəxsləri sürücü, aşpaz, xadimə və başqa vəzifələrə işə düzəldəcəklərini deyərək hər birindən 2000-3000 manat civarında pul alıblar.

Təqsirləndirilən Nazxanım Həsənova ifadəsində deyib ki, “TikTok”da tanış olduğu Mehmet Tuncay adlı şəxsin yalanlarına aldanıb. Onun sözlərinə görə, Mehmet Tuncay özünü Türkiyə vətəndaşı kimi təqdim edib və uzun müddət Azərbaycanda Müdafiə Nazirliyində işlədiyini deyib. O, nazirlikdə yüksək vəzifəli şəxslərlə əlaqələrinin davam etdiyini bildirib.

Təqsirləndirilən şəxsin dediyinə görə, Mehmet Tuncay ona yeni hərbi hissə açılacağını və oraya şəxsi heyət üçün işçilər lazım olacağını deyib. Qohumlarını ora işə düzəltməyi təklif edib.

Nazxanın Həsənova bu barədə iş yoldaşı Xavərə məlumat verib. Xavərdən də işə düzəltmək üçün adam tapmasını istəyib. Bundan sonra hər iki şəxs əsasən qohumları və yaxın münasibətdə olduqları şəxslərdən pul almağa başlayıblar. Onlar Mehmet Tuncaya verdikləri pula görə özləri də müəyyən məbləğ qazanc əldə ediblər.

Ümumi dəymiş ziyan 32 min manat olaraq müəyyən edilib.

Nazxanın Həsənova pulları verdiyi Mehmet Tuncayın onu aldatdığını deyib. Bildirib ki, sonradan onunla əlaqəsi kəsilib. Hazırda onun ölkədə olmadığı bildirilir.

İstintaq müddətində və məhkəmə araşdırması zamanı N.Həsənova vurduğu ziyanın bir hissəsini geri qaytarıb. Zərərin böyük hissəsi N.Həsənovaya məxsusdur. Xavər isə vurduğu zərəri ödəyə bilməyib.

Zərərçəkənlər pullarını geri ala bilmədikləri üçün şikayətçi olub. Onlara qanunla nəzərədə tutulan şəkildə cəza verilməsini istəyiblər.

Məhkəmə istintaqı davam edən ərəfədə N.Həsənova barəsində həbs qətimkan tədbiri seçilmişdi. Məhkəmə yekunda onun 3 il müddətinə azadlıqdan məhrum edilməsi ilə bağlı qərar verib.

Xavər isə məhkəmə istintaqı dövründə ev dustaqlığında idi. Məhkəmə onun 2 il müddətinə azadlıqdan məhrum edilməsi barədə hökm çıxarıb. Onun barəsində seçilmiş ev dustaqlığı qətimkan tədbiri həbs qətimkan tədbiri ilə dəyişdirilib və məhkəmə zalında həbs edilib.

Xəbərin oxunma sayı : 241