AzFakt

Azərbaycanın ən varlı şirkətləri: milyardlara sahib olanlar kimdir?

Rəsmi Bakı Blinkenin görüş təklifini qəbul etməyib - Səbəb məlum oldu

“Ermənistan Qərbi Azərbaycan İcması ilə danışıqlara başlamalıdır“ - Prezident

ABŞ OCCRP-ni maliyyələşdirib və layihə rəhbərliyini təyin edib - Araşdırma

86 milyon manatı ölkəyə qaytarmayanlar ifşa edildi - Həbs olundular

Şirvanda 13 hektar ərazi başçı tərəfindən zəbt edilib - Qazinin əli ilə

ARB-nin 5 mərtəbəli studiya binası hansı məmura məxsusdur - FOTOFAKT

Bakı və Ankaradan İrəvana ultimatum - Zəngəzurla bağlı...

Azərbaycan Haaqa Məhkəməsinə müraciət etdi - Ermənistanla bağlı

143 milyon taladılar, 38 milyon ödədilər - Mənimsədikləri pulları qaytarmırlar

“Əgər biz cəngəlliyiksə, onda işlərimizə qarışmayın “ - Prezidentdən ağır ittihamlar

“Azərbaycanofoblar Ermənistanı yeni müharibəyə təhrik edirlər“ - Prezident xalqa müraciət ünvanladı

Paşinyan yenə imtina etdi... - Bakı və İrəvan arasında sülh danışıqları dalana dirənib

“Ermənistan təhlükəli oyunlara qoşulub“ - Prezidentdən sərt xəbərdarlıq

Xaricdən avtomobil gətirənlərin xərcləri boşa gedə bilər - AÇIQLAMA


Tarix 26.12.24, 21:39	Font ölçüsü : - / +

Bəzi insanlar daha sərfəli olduğunu düşünərək, avtombili xaricdən sifariş verir. Bu zaman maşının qeydiyyata alınması və ya qeydiyyatının dəyişdirilməsi prosesləri baş verir.

Bu prosesləri necə və harada etmək olar?

AzFakt.com xəbər verir ki, mövzu ilə bağlı nəqliyyat eksperti Yasin Mustafeyev Redaktor.az-a açıqlamasında bildirdi ki, prosedurun rəsmi şəkildə həyata keçirilməsi asan olsa da, bəzi çətinliklər vətəndaşların səbirsizliyindən qaynaqlanır.

"Azərbaycanda avtomobil qeydiyyatı prosesi dövlət tərəfindən müəyyən edilmiş qaydalara əsasən həyata keçirilir. Bu prosedur Baş Dövlət Yol Polisi İdarəsinin İmtahan-Qeydiyyat Mərkəzlərində aparılır və burada vətəndaşların rahatlığı üçün hər cür şərait yaradılıb. Mərkəzdə həm bank xidmətləri, həm də digər zəruri infrastruktur mövcuddur. Bununla yanaşı, prosesin rəsmi şəkildə həll edilməsi üçün dövlət rüsumları kifayət qədər aşağıdır.

Prosedurun şəffaf və sadə olmasına baxmayaraq, bəzi vətəndaşlar növbələrə və prosesin müəyyən mərhələlərinə səbr göstərməkdə çətinlik çəkir. Bu səbəbdən, əlavə vasitəçilərə müraciət edənlər olur. Halbuki, səbrli olmaqla rəsmi prosedurları izləyən şəxslər qeydiyyatı heç bir çətinlik çəkmədən həyata keçirə bilərlər. Mərkəzlərdə əlavə şəxslərin işə müdaxilə etməsinə ehtiyac yoxdur, çünki rəsmi qurumlar prosesi mümkün qədər şəffaf və asan şəkildə idarə edir".

Ekspert bildirdi ki, onlayn platformalardan xaricdən sifariş edərkən, təhlükəsizliyə diqqət yetirilməməsi həm maddi, həm də hüquqi risklər yarada bilər.

"Xaricdən nəqliyyat vasitəsi idxal edən vətəndaşlar üçün müəyyən edilmiş standartlar və məhdudiyyətlər mövcuddur. İlk növbədə, ölkəyə gətirilən avtomobil Azərbaycan Respublikasında qəbul edilmiş texniki və ekoloji standartlara uyğun olmalıdır. Bu şərtlər yerinə yetirildiyi təqdirdə, avtomobilin hansı ölkədən idxal edildiyinin heç bir fərqi yoxdur.

Bununla belə, idxal edilən avtomobillərin istehsal tarixi ilə bağlı ciddi məhdudiyyətlər var. Belə ki, istehsal tarixi 10 ildən artıq olan avtomobillərin ölkəyə idxalı qadağandır. Bu qayda, ətraf mühitin mühafizəsi və texniki təhlükəsizliyin təmin edilməsi məqsədini daşıyır. Dünya üzrə ixrac edilən avtomobillərin əksəriyyəti standartlara uyğun gəldiyi üçün idxal prosesində bu tələbləri qarşılamaq çətin deyil. Son dövrlərdə avtomobil idxalı üçün müxtəlif onlayn platformalardan istifadə edənlər artıb. Lakin bu platformaların bəziləri hüquqi baxımdan zəif təşkil edildiyindən vətəndaşlar üçün risklər yarada bilər. Bu cür hallardan qorunmaq üçün hüquqi cəhətdən müəyyən depozit, müəyyən qarantiya şərtləri ilə müqavilə bağlamaq lazımdır", - deyə Yasin Mustafayev əlavə etdi.

Xəbərin oxunma sayı : 316