AzFakt

Bakıda 120 milyonluq qalmaqallı hərracın arxasında kimlər dayanır? - ŞOK İSİMLƏR

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

“MTK kralı“ çətin durumda - Asiman Hüseynov qardaşını xilas edə biləcəkmi?

Azərbaycanın ən varlı şirkətləri: milyardlara sahib olanlar kimdir?

Rəsmi Bakı Blinkenin görüş təklifini qəbul etməyib - Səbəb məlum oldu

“Ermənistan Qərbi Azərbaycan İcması ilə danışıqlara başlamalıdır“ - Prezident

ABŞ OCCRP-ni maliyyələşdirib və layihə rəhbərliyini təyin edib - Araşdırma

86 milyon manatı ölkəyə qaytarmayanlar ifşa edildi - Həbs olundular

Şirvanda 13 hektar ərazi başçı tərəfindən zəbt edilib - Qazinin əli ilə

ARB-nin 5 mərtəbəli studiya binası hansı məmura məxsusdur - FOTOFAKT

Bakı və Ankaradan İrəvana ultimatum - Zəngəzurla bağlı...

Azərbaycan Haaqa Məhkəməsinə müraciət etdi - Ermənistanla bağlı

143 milyon taladılar, 38 milyon ödədilər - Mənimsədikləri pulları qaytarmırlar

“Əgər biz cəngəlliyiksə, onda işlərimizə qarışmayın “ - Prezidentdən ağır ittihamlar

Təqaüdçü ər-arvadın adına necə kredit götürülüb? - TƏFƏRRÜAT


Tarix 20.01.25, 17:00	Font ölçüsü : - / +

Yaşlı ər-arvadın adına gizli şəkildə kredit götürərək oğurluq etməkdə ittiham olunan 27 yaşlı Ələsgər Cabbarlı hakim qarşısına çıxarılıb.

Musavat.com xəbər verir ki, Ələsgər əvvəllər taksi sürücüsü işləyib.

O, qonşuları olan ər-arvad Əhmədovların evinə gedərək onlara mobil telefonlarına Ramazan bayramı ilə əlaqədar təqaüdçülərə kontur gələcəyini deyib. Buna görə telefonlarına gələcək kodları təsdiq etmələrinin vacib olduğunu söyləyib. Bundan istifadə edərək hər iki şəxsin adından onlayn kredit müraciəti edib. Bankdan gələn görüntülü təsdiqə də yaşlı insanları inandırıb və deyib ki, 10 manatlıq konturun gəlməsi üçün sonuncu mərhələ budur. Hər iki şəxsin adına krediti rəsmiləşdirdikdən sonra öz kartına köçürüb.

O, Əhmədovların adına 4300 və 3400 manat kredit alıb. Ümumilikdə 7700 manatı ələ keçirib.

Ələsgər bu işi necə etdiyini məhkəmədə danışıb:

“Əvvəl adlarına kredit olub-olmadığını soruşdum. Sonra Ramazan bayramı ilə əlaqədar kampaniya olduğunu, təqaüdçülərə 10 manat kontur verildiyini dedim. Onların şəxsiyyət vəsiqəsini və təqaüd kartını aldım. Onlara görüntülü qeydiyyatdan keçməli olduqlarını dedim. Öz telefonumdakı mobil tətbiqlə birini qeydiyyatdan keçirib pulu aldım. İkincini həmin gün ala bilmədim. Səhər bir də qayıtdım. Həm kreditdən xəbərlərinin olub-olmadığını öyrənmək istədim, həm də ikinci krediti götürməyi qərarlaşdırdım. Kreditdən xəbərləri yox idi. İkinci krediti də alıb kartıma göndərdim. Götürdüyüm pulları borclarıma və şəxsi ehtiyaclarıma xərcləmişəm”.

Əməlini etiraf edən Ələsgər Cabbarlı peşman olduğunu, zərəri ödədiyini, zərərçəkmişlərin şikayətinin olmadığını deyərək məhkəmədən bağışlanmasını istəyib.

Qeyd edək ki, Ələsgərin işinin üstü A.Əhmədovun qardaşı oğlunun adına götürdükləri kreditin ödənişi zamanı açılıb.

A.Əhmədovun qardaşı oğlu krediti ödəyən zaman borcun artdığını görüb. Bu işlə maraqlanan zaman onların adına yeni kreditlərin götürüldüyü məlum olub. Bunu Ələsgər Cabbarlının etdiyi də o zaman məlum olub.

Əhmədovlar ailəsi Ələsgəri bağışlayıb.

Məhkəmə Ələsgər barəsində 1 il 6 ay müddətinə azadlığın məhdudlaşdırılması cəzası təyin edib.

Xəbərin oxunma sayı : 478