AzFakt

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

Rusiya-İran arasında Azərbaycan üzərindən qaz anlaşması - Putin bu dəfə əmindir, amma..

Arayik Harutyunyan Azərbaycan xalqından üzr istədi - “İndi bu bəyanata görə təəssüflənirəm...“

Azəraycanda terror aktı hazırlayanlar həbs olundu - “200 min dolları müqabilində ona sui-qəsd edəcəkdilər...“

Çin qərbə qarşı məxvi planı işə saldı - “Made in China 2025”-də nələr var?

Bakıda 120 milyonluq qalmaqallı hərracın arxasında kimlər dayanır? - ŞOK İSİMLƏR

Abşeron rayonunda sənədsiz evlərin sayı sürətlə artır - İcra hakimiyyəti ilə “anlaşıb“...

Prezidentdən dünyaya mesaj: Azərbaycan 21 ildir inamla, uğurla, ləyaqətlə inkişaf edir

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

Sahibkarların diqqətinə - Vergi Məcəlləsində dəyişikliklər olacaq


Tarix 20.02.25, 15:57	Font ölçüsü : - / +

Yeni Vergi Məcəlləsinin hazırlanması gündəmdədir və bu prosesə ötən ildən başlanılıb. Yeni Vergi Məcəlləsinin əsas məqsədlərindən biri vergi qanunvericiliyinin daha anlaşılan olması, sahibkarlıq mühitinin inkişafını dəstəkləyən optimal vergi yükünün müəyyən edilməsi və iqtisadi artımı təşviq edən vergi alətlərinin tətbiqidir.

Bu fikirləri report.az-a açıqlamasında İqtisadiyyat Nazirliyi yanında Dövlət Vergi Xidmətinin rəis müavini Samirə Musayeva deyib. Xidmət rəisi vurğulayıb ki, yeni Məcəllədə əsas diqqət sahibkarlığın inkişafına yönəldiləcək. “Xüsusilə, mikro və kiçik sahibkarlıqdan orta sahibkarlığa keçidi təşviq edən vergi siyasəti alətləri geniş tətbiq olunacaq. Reinvestisiyaların stimullaşdırılması, biznesin mənfəətinin yenidən inkişaf üçün istifadə edilməsinin təşviqi və dolayı vergilər hesabına dövlət büdcəsinin gəlirlərinin təmin edilməsi əsas prioritetlərdən biridir”,- deyə o bildirib.

Füzuli rayonunun 11 qayıdış qəsəbəsində içməli su yoxdur - Vüqar Bayramov

Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov Musavat.com-a şərhində bildirib ki, yeni Vergi Məcəlləsinin hazırlanması Milli Məclisdə müzakirə olunurdu. Deputat yeni dövrün yeni hədəfləri olduğunu, buna görə də yeni Vergi Məcəlləsinin qəbul edilməsinin məqsədəuyğun olduğunu qeyd edib:

“Milli Məclisdə təkliflərimiz ondan ibarətdir ki, vergiqoymada keyfiyyət meyarlarından istifadə olunsun. Yalnız güzəştlər, yaxud digər vergi tətilləri formasında deyil, konkret keyfiyyət meyarlarına bağlı vergi sisteminin formalaşması, məsələn, gəlir vergisində güzəştlər zamanı istehlakın nəzərə alınması və digər keyfiyyət meyarlarından istifadə etməklə vergi sisteminin təkmilləşdirilməsi və beynəlxalq təcrübəyə uyğunlaşdırılması məqsədəuyğun olardı. Bu, həm istehlakı stimullaşdıra, həm də real sektora daha çox vəsaitin daxil olmasına imkan yarada bilər. Bir sözlə, vergi fəlsəfəsində keyfiyyət meyarlarından daha səmərəli istifadə edilməsi yaxşı olardı. Yeni Vergi Məcəlləsinin hazırlanması sahibkarlar üçün də yaxşıdır çünki mütəmadi olaraq Vergi Məcəlləsində dəyişiklikləri müşahidə edirik. Etiraf etmək lazımdır ki, buna ehtiyac var çünki iqtisadiyyatın strukturu, o cümlədən hədəflər, çağırışlar dəyişir. Sözsüz ki, yeni Vergi Məcəlləsi daha strateji yanaşma olacaq. Bu sahibkarlara öz fəaliyyəti proqnozlaşdırmaq və strategiyaya uyğun olaraq qurmaq baxımından vacibdir”.

Deputatın sözlərinə görə, inkişaf etməkdə olan ölkələrdə vergi qanunvericiliyi mütəmadi olaraq dəyişir: “Regional dəyişikliklərin ölkələrə və sahibkarlıq subyektlərinə təsirləri olur. Bu, özünü həm də vergi dərəcələrində göstərir. Bütün bunları nəzərə alsaq, yeni Vergi Məcəlləsinin hazırlanması təqdirəlayiqdir”,- deyə V.Bayramov əlavə edib.

Xəbərin oxunma sayı : 604