AzFakt

Dünya “böyük Afrika müharibəsi“nin astanasında: Fransa qarşıdurmanı qızışdırır

Ticarət müharibəsi başladı - Trampın bu sərəncamı imzalaması nə vəd edir?

Ərdoğanın Xocalı səfəri - “Şuşada Türkiyə konsulluğunun təməli atılsa...”

Prezident Zəngəzurla bağlı tələbini açıqladı - “Azərbaycana maneəsiz keçid verməlidir...”

“Rossotrudniçestvo“nun əsl mahiyyəti - “Rus evlər“i casus şəbəkəsi rolunda

Natiq Aslanov yığıdığı milyonları üzə çıxarır - Daşınmaz əmlaka sərmayə yatırıb

Rusiya-İran arasında Azərbaycan üzərindən qaz anlaşması - Putin bu dəfə əmindir, amma..

Arayik Harutyunyan Azərbaycan xalqından üzr istədi - “İndi bu bəyanata görə təəssüflənirəm...“

Azəraycanda terror aktı hazırlayanlar həbs olundu - “200 min dolları müqabilində ona sui-qəsd edəcəkdilər...“

Çin qərbə qarşı məxvi planı işə saldı - “Made in China 2025”-də nələr var?

Bakıda 120 milyonluq qalmaqallı hərracın arxasında kimlər dayanır? - ŞOK İSİMLƏR

Abşeron rayonunda sənədsiz evlərin sayı sürətlə artır - İcra hakimiyyəti ilə “anlaşıb“...

Prezidentdən dünyaya mesaj: Azərbaycan 21 ildir inamla, uğurla, ləyaqətlə inkişaf edir

Nadir Aslanovun “görmədiyi“ qanunsuz tikilən 110 evin iziylə - Baş purokrorluğa müraciət...

Türkiyədə mütləq kəşf etməli olduğunuz mağaralar - FOTOLAR


Tarix 11.02.25, 11:18	Font ölçüsü : - / +

Türkiyə mağarasevərlər və macəra axtaranlar üçün əsl cənnətdir.

Ölkədə təxminən 40 min mağara mövcuddur. Bu möhtəşəm geoloji strukturların dərinliklərinə enərək yeraltı gölləri, kəşf etmək inanılmaz bir hissdir. Bu sirli dünyaya qədəm qoyduqda, özünüzü sanki fantastik bir filmin səhnəsində hiss etməmək mümkün deyil. Budur, Türkiyənin ən heyrətamiz altı mağarası haqqında bilməli olduğunuz məqamlar…

Altınbeşik Mağarası: Türkiyənin ən böyük yeraltı gölü

Türk Rivierasının incisi Antalya, tarix izləri daşıyan saysız-hesabsız böyük və kiçik mağaraları ilə macəra həvəskarlarının ən sevimli məkanlarından biridir. Ürünlü kəndində yerləşən Altınbeşik Mağarası bölgənin dünyaca məşhur ilk mağarasıdır. Üçmərtəbəli unikal struktura malik bu təbiət möcüzəsi Türkiyənin ən böyük, dünyanın isə üçüncü ən böyük yeraltı gölünü özündə birləşdirir. Göldə təşkil olunan qayıq turları mağaranın girişini kəşf etməyə imkan yaradır – bu mənzərə, ətrafındakı sıx şam meşələrinin arasında kiçik bir vaha kimi görünür. Mağaranın bu səviyyəsinin sonunda sizi 44 metrlik dik travertenlər heyrətamiz mənzərəsi ilə qarşılayır. Peşəkar mağara tədqiqatçıları bu travertenlərin üzərindəki ikinci mərtəbəyə xüsusi avadanlıqla dırmana bilərlər. Burada kiçik hovuzlar yerləşir, mağaranın ən yuxarı səviyyəsi isə nəhəng qaya parçalarından ibarətdir.

Damlataş mağarası: sarkıtların sehrli dünyası

Antalyanın Alanya rayonunda yerləşən Damlataş Mağarası, Türkiyədə mağara turizmi deyiləndə ilk ağla gələn yerlərdən biridir. Adını içərisindəki möhtəşəm sarkıtlardan alan bu mağara, 50 metrlik keçiddən sonra silindrşəkilli bir boşluq vasitəsilə əsas hissəyə açılır. Gözoxşayan sarkıtları ilə yanaşı, Damlataş Mağarası sağlamlıq baxımından da xüsusi əhəmiyyətə malikdir. Buradakı havanın tənəffüs yolları xəstəliklərindən əziyyət çəkənlər üçün faydalı olduğu düşünülür. Hətta bəzi astma xəstələri həkim nəzarətində 21 günlük müalicə proqramına qoşularaq hər gün müəyyən müddət mağarada vaxt keçirirlər.

Karain mağarası: paleolit dönəminin mərkəzi

Antalya bölgəsində yerləşən Karain Mağarası həm təbii gözəlliyi, həm də arxeoloji əhəmiyyəti ilə seçilir. Burada tapılan paleolit dövrünə aid qalıqlar Karain Mağarasını Türkiyənin ən önəmli mağaralarından birinə çevirir. Eyni zamanda, bu mağara Anadolu ərazisində paleolit dövründən Roma dövrünə qədər insan yaşayışına dair izlər daşıyan ən böyük mağara hesab edilir. Mağarada aşkarlanan bəzi tapıntılar Anadolunun ən qədim insan əli ilə yaradılmış sənət nümunələri kimi qəbul edilir. Karain Mağarası həmçinin UNESCO-nun Dünya İrsinin İlkin Siyahısında yer alır.

Ballıca mağarası: şəfa bəxş edən geoloji miras

Tokatın 3,5 milyon il yaşı olan Ballıca Mağarası Qara dəniz bölgəsinin ən məşhur təbiət möcüzələrindən biridir. Dünyada nadir rast gəlinən geoloji quruluşa malik bu mağara sarkıtlar, dikitlər, sütunlar, pərdəvari travertenlər, mağara mirvariləri, damcı daşı hovuzları və unikal soğanvari sarkıtlar kimi möhtəşəm formalarla zəngindir. Hələ tam araşdırılmamış hissələri ilə sirrini qoruyub saxlayan Ballıca Mağarası səkkiz zalı ilə bütün mağara formalaşmalarını özündə cəmləşdirir. Ziyarətçilər üçün açıq hissələri araşdırmaq, hər addımda yeni bir sürpriz və həyəcan dolu səyahətə çıxmaq kimidir. Parlaq rəngli kalsit formasiyalarına görə 2019-cu ildə UNESCO-nun Dünya İrsinin İlkin Siyahısına daxil edilən mağara, eyni zamanda, mənfi ionlarla zəngin, toz və polensiz havası sayəsində astma və nəfəs darlığından əziyyət çəkənlər üçün müalicəvi təsirə malikdir.

Karaca mağarası: gümüşxananın yeraltı sarayı

Türkiyənin Şərqi Qara dəniz bölgəsində yerləşən füsunkar Gümüşhane şəhəri Karaca Mağarası ilə məşhurdur. Bu mağara insanı valeh edən sarkıtlar, dikitlər, rəsmlərlə örtülmüş divarlar, traverten örtüklər, mağara çiçəkləri, mağara mirvariləri, “fil qulaqları”, traverten hovuzları və rəngarəng mağara gülləri ilə zəngindir. Çatlarla dolu əhəngdaşlarında formalaşmış bu fosil mağara, bir-birinə bağlanan ellipsvari dörd fərqli zalın birləşməsi nəticəsində yaranmışdır. Zamanla sızan suyun yaratdığı damcı daşı divarları bu zalların ikisini bölərək ümumi zal sayını altıya çatdırmışdır.

Dupnisa: Trakyanın məşhur mağara sistemi

Türkiyənin Trakya bölgəsində, Kırklarelidə yerləşən Dupnisa Mağarası Demirköy rayonunun məhsuldar torpaqları arasında gizlənmiş bir xəzinədir. Trakyanın turizmə açılan ilk və yeganə mağarası olan Dupnisa hər il on minlərlə ziyarətçini qəbul edir. İki mərtəbəli quruluşa və bir-biri ilə əlaqəli üç mərmər mağaraya sahib olan bu sistem, təxminən dörd milyon il ərzində formalaşıb. Mağaranın yuxarı hissəsində Kuru və Kız mağaraları, aşağı mərtəbədə isə ziyarətçilərə açıq olan Sulu Mağara yerləşir. Dupnisa süd ağından qırmızı və qəhvəyi çalarlarına qədər dəyişən rəngləri, nəhəng ölçülərə çatan sarkıt, dikit, sütun, pərdəvari damcı daşları və damcı daşı hovuzları ilə diqqət çəkir. Burada 11 fərqli yarasa növü məskunlaşıb və onların çoxalması üçün hər il 15 noyabr – 15 may tarixləri arasında mağaranın bəzi hissələri ziyarətçilərin girişinə bağlan